टिकाराम वास्तोला , ठोस खबर / विगत लामो समयदेखि सांगीतिक क्षेत्रमा सक्रिय गायिका उषा मलाहा सिमरनको नयाँ गीत “माया थिएन भने” सार्वजनिक भएको छ ।

उक्त गीतमा राज कुमारको शव्द र संगीत रहेको छ भनेभिडियोमा २ नम्बरी निर्माता किरन नेपाली र चर्चित मोडल तथा टिकटकर स्मारिका ढकालको अभिनय रहेको छ । उनीहरुलाई अर्की मोडल डिम्पल खरेल र सतिश सिंह खत्रीले साथ दिएका छन् ।

समसामयिक बिषयवस्तुलाई ध्यानमा राखेर बनाईएको भिडियोले गीतलाई धेरै हदसम्म न्याय गर्ने कोशिस गरेको छ । निर्माता किरन नेपालीले पनि आफूलाई अब्बल कलाकारको रुपमा यसै भिडियोमार्फत प्रमाणित गरेका छन् ।

सोनी राईको श्रृङ्गार यसैगरी खेम थापा मगरको छायाँकन रहेको भिडियोमा गीतकार तथा संगीतकार राज कुमारकै सम्पादन तथा निर्देशन रहेको छ । भिडियो एक्का कम्पनी युटुयब च्यानलबाट सार्वजनिक गरिएको छ । भिडियो लाई धेरै मानिसले समेत मन पराएका छन ।