झापा , २७ माघ / झापाको बुद्धशान्ति ३ सात नम्बर चोकमा ट्रिपरले मोटरसाइकललाई ठक्कर दिदा मोटरसाइकल चालक स्थानीय २३ बर्षीय रामकृष्ण पौडेलको मृ*त्यु भएको छ ।

शनिबार साझ ६:४५ को समयमा  चारआलीबाट बुधबारेतर्फ जाँदै गरेको मे ११ प ३१४९ नम्बरको मोटरसाइकल र विपरितदिशाबाट आउँदै गरेको को १ ख ६४२८ नम्बरको ट्रिपर 
आपसमा ठोक्किँदा मोटरसाइकल चालक पौडेलको दाहिने हात र छातीमा चोट लागि गम्भिर घाइते भएको जिल्ला प्रहरी 
कार्यालय झापाले जनाएको छ ।

उनलाई उपचारका लागि बीएण्डसी अस्पताल लगिएकोमा 
उपचारको क्रममा ७:४५ बजे मृ*त्यु भएको जिप्रका झापाका 
निमित्त सुचना अधिकारी प्रहरी निरीक्षक ढुण्डीराज गिरीले 
जानकारी दिए ।

मोटरसाइकलको पछाडी सवार स्थानीय २१ बर्षीया लिला  गौतम घाइते भएको र बीएण्डसी अस्पतालमा  उपचार  भइरहेको र अवस्था सामान्य रहेको  प्रहरीले जनाएको छ ।प्रहरीका अनुसार ट्रिपर चालक फरार रहेका छन् ।