बिर्तामोड/ झापाको बिर्तामोडमा बसले मोटरसाइकललाई ठक्कर दिदा एकजनाको मृ*त्यु भएको छ ।
पूर्वपश्चिम राजमार्ग अन्तर्गत बिर्तामोडस्थित होटल हिकोला हेरिटेज अगाडि शनिबार साँझ भएको सवारी दुर्घटनामा एकजना महिलाको मृ*त्यु भएको हो ।

मृत्यु हुनेमा इलामको माई नगरपालिका ४ गैरीगाउँ घर भएकी ३० वर्षीया तुलसा पाँचकोटी रहेकी छन् । बिर्तामोड स्थित बीएन्डसी हस्पिटलमा उपचारका क्रममा उनको मृ*त्यु भएको प्रहरीले जनाएको छ ।
प्रहरीका अनुसार प्रदेश १-०२-००२ ख ००३५ नम्बरको यात्रुवाहक बसले प्रदेश १-०१-०१३ प ५७०० नम्बरको मोटरसाइकललाई ठक्कर दिँदा उक्त दुर्घटना भएको हो ।

दुर्घटनामा मोटरसाइकल चालक ठिरप्रसाद सुबेदी घाइते भएका छन् । उनको उपचार भइरहेको छ । घटनामा मोटरसाइकलको पछाडि सवार पाँचकोटीको ज्यान गएको हो ।

दुर्घटनापछि बस चालक झापा कन्काई नगरपालिका वडा नं ३ का हिमाल विश्वकर्मालाई प्रहरीले नियन्त्रणमा लिएको छ ।