शरणामती / झापाको झापा गाउँपालिका वडा नम्बर ५ मा जारी प्रथम वडाध्यक्ष कप नकआउट फुटबल प्रतियोगिताको उपाधी बेलायतीबारी फुटबल क्लब झापा गाउँपालिका-१ ले चुमेको छ।

सोमबार स्थानीय राम जानकी आधारभुत विद्यालयको खेलमैदानमा जारी प्रतियोगितामा झापा ७ फुटबल क्लब शरणामती र बेलायतीबारीले निर्णायक प्रतिष्पर्धा गरेका थिए।निर्धारित समयमा गोल रहित भएपछी खेल ट्राइब्रेकरमा धकेलिएको थियो।ट्राइब्रेकरमा बेलायतीबारीले १ का विरुद्द ४ गोल लगाउँदै शरणामती माथी जित निकालेको हो।खेलमा शरणामतीका गणेश कटुवाल म्यान अफ द म्याच घोषित भए।उनले प्रमाणपत्र सहित ट्रफी पाए।

विजेता बनेको बेलायतीबारी फुटबल क्लबले नगद १२ हजार सहित ट्रफी,मेडल र प्रमाणपत्र पाएको छ।त्यस्तै उपविजेता शरणामतीले नगद ८ हजार सहित ट्रफी,मेडल र प्रमाणपत्रमा चित्त बुझाएको छ।

नवदुर्गा युवा क्लबका अध्यक्ष संजितलाल यादवको अध्यक्षता र झापा गाउँपालिका वडा नम्बर ५ का वडाध्यक्ष कृष्ण प्रसाद राजबंशीको प्रमुख आतिथ्यतामा समापन कार्यक्रम भएको थियो।

देव गणेशले सन्चालन गरेको कार्यक्रममा समाजसेवीहरु केल्ठु गणेश,नन्दकिशोर पोद्दार,गजेन्द्र ताम्ली,ओमप्रकास गनगाई लगायतको आतिथ्यता रहेको थियो।